الاثنين، ١٨ فبراير ٢٠٠٨

كيف تضيف ملف صوتي لمدونتك ؟؟


يا مراحب

العديد من أصدقائي سألوني عن كيفية أضافة ملف صوتي للمدونة

وأنا حاولت أشرح الطريقة لكن للأسف منفعش و للأسف برضه منفعش أحط الكود في التعليق

بنت مصرية عملت شرح كامل و وافي لكيفية إنشاء مدونة وأضافة أشياء مختلفة لها وتغيير قالب المدونة

أنا كنت عطيت لينك الصفحة للأصدقاء لكن واجهوا صعوبة برضه

فهأقوم في البوست ده بوضع الكود وجزء الشرح الخاص به بعد إذن بنت مصرية

يعني كل الكلام الجاي واللي هيتكب بالخط العريض منقول من شرح بنت مصرية

ومش كلامي وغالبا أنا هأمسح البوست بعد انتهاء الغرض منه




لإضافة ملف صوتى فى مدونتك

اكتب الكود التالى فى المكان المناسب من السايدبار ، بس خللى بالك العنصر ذو الخلفية الخضراء عنصر متغير وهو رابط الملف الصوتى على الانترنت الذى سوف تقوم ببثه عبر مدونتك. فى هذا المثال دخلت على صفحة أغانى سعاد حسنى فى موقع سالمية واخترت اغنية "كيكو".. فاكرينها بتاعة كى كى كى كو يا كى كى كى، المهم يعنى ضغطت بزر الماوس الايمن -من غير قطع كلامى، انا اكتر حاجة كنت بكرهها وانا بشتغل فى المجلة كلمة اضغط بزر الماوس الايمن دى.. كانت بتتقال كتير- على كلمة استماع وظهر مربع الخصائص اخدت منه رابط الملف اللى هوه بالظبط خلفيته خضراء هنا فى الكود

مرة أخرى الصورة والشرح مأخوذين من صفحة الشرح التي قامت فيها بنت مصرية بشرح كيفية إنشاء مدونة



رابط الصفحة هو



http://bmadvice.blogspot.com/


وأنا بشكر بنت مصرية لإن شرحها فادني وساعدني كتير


ملحوظة أخيرة

ياريت الناس اللي تدخل ما تكتفيش بالرد هنا وتمشي

علشان البوست اللي تحت ده قعدت ساعة أكتب فيه ومش عايزاه يموت

فنفعونا بأي حاجة الله يكرمكم



تحديث

دي طريقة أخرى لإضافة ملف صوتي للمدونة شرحها لنا الفارس الملثم وسأضيفها هنا - بعد أذنه طبعا - لأنها لو فضلت في شات بوكس بعد فترة هتختفي

الخطوات:

انت بداية تختاري الملف الصوتي اللي يعجبك بس يكون mb3

وتروحي الموقع ده

http://www.boomp3.com/

وترفعي عليه الملف وبعد كده اتحطي بعض البيانات وبعد كده ايوديكي صفحة فيها الاغنية واتلاقي في الخيارات انت عاوزه الاغنية تشتغل تلقائي او لأ وكمان تشتغل مرة واحدة ولا علي طول

وبعد كده ادوسي علي عبارPost this player to your blog عشان تاخدي الكود وتحطية في المدونة

ولمن يريد أضافة أغنية ولم يجدها بصيغة mp3

سأضع رابط لموقع موّالي وده هتلاقي فيه أي أغنية أنت عايزها mp3

www.mawaly.com


تحديث

من خلال الرابط التالي يمكنك تحميل كود جديد لإضافة ملف صوتي للمدونة مرفق بالشرح الخاص به

http://www.4shared.com/file/39235132/b3bab374/_online.html


للأسف فشلت في إضافة الكود على هيئة صورة داخل البوست لأني كل ما أضيفها تظهر في أعلى الصفحة


الكود مقدم من الأخ العزيز الفارس الملثم


الذي انتهز الفرصة لأشكره على اهتمامه وتعاونه

هناك ٢٤ تعليقًا:

  1. اولا صباح الخير
    ثانيا انا اسف انى تعبتك
    وخليتك تعملى بوست مخصوص علشان الموضوع دا
    اممممممم
    احرجتينى بزوئك والله

    ومتشكر كمان مره
    اخيكى احمد

    ردحذف
  2. لا مفيش تعب ولا حاجة

    يارب يكون الموضوع فادك

    ويارب يكون فاد صحفية روشة

    وكل اللي عنده نفس المشكلة

    ردحذف
  3. شكراً لللإفادة جداً
    لأني من زمان كان نفسي أتعلم الحركة دي لكن مكنتش عارف
    وأقربها من يومين لما كنت بعمل بوست عيد ميلادي وكنت محتاج أحط قصيدة بصوت نزار ومعرفتش
    شكراً

    ردحذف
  4. الأستاذ

    أهلا وسهلا بيك

    نورت المدونة

    والحمد لله إن الموضوع فادك

    وكل سنة وأنت طيب

    ردحذف
  5. سعيده اوى انك مهتمه انك تزورى مدونتى وبجد بتمنى نحط ايدنا فى ايد بعض ودور جواكى كده على اى حلم وقوليهولى يمكن نلاقى حد يحققلنا احلامنا احنا الاتنين ههههههه ربنا معاكى

    ردحذف
  6. قيثارة الأحلام

    سعيدة جدا بمرورك

    وياريت متكونش أخر زيارة

    أنتي مدونتك متميزة جدا فعلا

    ربنا يحقق لك أحلامك

    ويحقق أحلام الجميع

    تحياتي ..

    ردحذف
  7. مرسى لتعبك با جميل

    تصورى اول ما عملت المدونه حاولت لكن معرفتش

    يارب يستر واعرف المرة دى

    مرسى لزيارتك مدونتى

    متقطعيش الزيارة
    اوك

    سيكو

    ردحذف
  8. سيكو

    أهلا بيكي منوراني

    أنا معملتش حاجة بجد يا جماعة

    أنا حطيت اللي بنت مصرية عاملاه علشان كل الناس اللي عندها نفس المشكلة

    لأنها شرحها فادني جدا أول ما عملت المدونة

    عموما جربي الكود ولو في أي مشكلة قولي لي

    أنا أكيد هكرر زيارتك لأن مدونتك متميزة فعلا

    وياريت أنتي كمان تنوريني دايما

    ردحذف
  9. هــــبه ياقمر

    عامل ايه

    حلو البوست بس عايزة اعرف حاجه
    الصوت بيكون عباره عن شريط ريل بلير ولا عادي كدا بيغني لوحده


    تحياتي ليكي ياقمر .... وزة

    اه حاجه كمان لما بكون في البيت المدونه بتعتك مش بتفتح علشان كدا بتاخر عليكي انا اول ماجيت الشغل اول حاجه فكرت فيها اني ادخلك اسيبلك تعليق

    سلاموووووز

    ردحذف
  10. وزة

    نورتيني يا قمر

    الصوت بيكون على هيئة شريط ريال بلير زي ما بيظهر عندي كده

    فعلا الشكوى من موضوع فتح المدونة بتتكرر وبتحصل معايا أنا شخصيا

    وبصراحة مش عارفة أحلها أزاي ولا عارفة سببها ايه

    وبفكر أغير التيمبليت يمكن يكون هو السبب

    تحياتي يا قمر

    ردحذف
  11. العزيزة هبة..أرشح لك مدونة "العشب" لإضافتها فى قائمتك.. هتعجبك جداً

    ردحذف
  12. يســلمو يا رب يا هبة على الافاده
    الله يعطيكي العافيه
    غلبناكي يا قمر


    روري

    ردحذف
  13. ربنا يخليكي للغلابه من المدونين و غير المدونين
    اسمحي لي ابدي كل الاعجاب بمدونتك
    فيها حاله شدتني..واحتمال اجي هنا كتير...ممكن؟؟؟
    تحياتي

    ردحذف
  14. مها

    مدونة متميزة

    شكرا أنك لفتي نظري ليها

    وشكرا بجد على اهتمامك

    بانتظار طلتك دائما

    ردحذف
  15. روري

    أي خدمة يا قمر

    أؤمري أنتي بس

    وكل سنة وأنتي طيبة وعقبال 100 سنة

    ردحذف
  16. Ma7moud So3ody

    أهلا بيك يا محمود

    نورتني

    سعيدة جدا إن المدونة حازت على اعجابك

    وأهلا وسهلا بيك في أي وقت

    المدونة مدونتك

    تحياتي

    ردحذف
  17. كتر خيرك والله يا هبه
    انا فعلا ياما استخدمت الكود بتاع ا لملف الصوتى دا بس زهقنى والكود مكنش شغال
    معرفش ليه
    اضطريت ادور على كود تانى فى حتة تانية
    فكاكة بقة
    ههههههه

    عموما برده كتر خيرك

    ردحذف
  18. هبه شكرا على طرحك وشرحك لفكرة تنزيل الصوت على المدونة

    بس انا دي اول زيارة ليا وكنت اتمنى اعرف ازاي اغير القالب بتاع المدونة بتاعتي ولك جزيل الشكر مقدما << رشوة

    ارق تحيه ممزوجة بعطور فرنسيه لشخصك الرقيق << رشوة بردك

    لا بجد سعيدة بتواجدي اليوم على صفحات مدونتك الجميلة

    تقبلي مروري

    ردحذف
  19. الف شكر علي الموضوع ده انا كنت عاوز اعمل الملف الصوتي ده في المدونه ابتعدي هيا لسه جديده

    وانا هحط المدونه ابتعدك عندي
    ده بعد اذنك



    والف شكرعلي الافاده

    من (فيرس virus)

    ردحذف
  20. حدوتة

    أهلا بيكي

    ممكن تستخدمى الطريقة التانية بتاعة الأغاني mp3 اللي بتترفع على موقع وتنضاف عندك من خلاله

    شكرا على مرورك

    نورتيني

    ردحذف
  21. قبلة الحياة

    نورتيني وأهلا بيكي

    والموضوع مش محتاج رشوة ولا حاجة

    أنا في الخدمة يا فندم

    الصفحة اللي أنا حاطة اللينك بتاعها

    مشروح فيها كيفية تغيير قالب المدونة

    ولو في مشكلة أنا في الخدمة

    شكرا على مرورك

    وياريت ما تكونش أخر مرة

    ردحذف
  22. virus

    أهلا بيك

    سعيدة إن الموضوع فادك

    وإن المدونة حازت على إعجابك

    ويشرفني يا فندم أنك تضيف المدونة لقائمة مفضلاتك

    شكرا على مرورك وزيارتك

    ردحذف
  23. بصراحة زوق عالى جدا وشيك فى تصميم المدونة واسلوب كتابة راقى وشكرا على هزة المعلومات القيمة ابن الاسماعيلية اسامة الرودى

    ردحذف
  24. أسامة الرودي

    شكرا على كلامك

    ويارب يكون الموضوع فادك

    ردحذف

اتكلم براحتك أنت في مدونة ديموقراطية جدا واخد لي بالك