الثلاثاء، ٢٢ يناير ٢٠٠٨

مصر كسبت يا جدعان

طول عمري ماليش في الكورة ولا أحبها ولو شفت ماتش شغال في أي حتة أغير القناة فورا

بس الوضع النهاردة مختلف .. احنا لا بنتكلم على أهلي و لا على زمالك .. ولا مشكلتنا خسارة الدوري

ولا فرحتنا بضياع الكاس من الأهلي .. احنا بنتكلم عن منتخب مصرو اللي بعتير تشجعيه مهمة وطنية حتى لو مالكش في الكورة خالص



ساعة ونص من شدة الأعصاب وبرغم معلوماتي الكروية الضعيفة كان واضح جدا مجهود الناس دي بجد

برغم إن كل الناس كانت بتقول أننا هنخسر وفي أحسن الحالات هنتعادل -على اساس إن الكاميرون فريق جامد- وفي استفتاء موقع بص طل هذا الاسبوع فيه نسبة كبيرة بترجح عدم فوزنا بهذه البطولة

بس أحنا عملناها النهاردة فعلا وكسبنا بأربع أهداف مقابل اتنين ودي بداية مشجعة جدا بتقول أننا ممكن نكسب المرة دي فعلا
وكفاية جدا إن الناس هتنسى مشاكلها النهاردة والبلاوي اللي بيشوفوها طول النهار وتنام مبسوطة

مبروك لمصر

هناك ٥ تعليقات:

  1. مبروووووووووووك لمصر
    وصدق اعلان كوكولا
    اللي ملهومشي فيها بيشجعوا مصر
    واحنا معاهم
    بحبككككككككككككك يا مصر
    وكل شاب في الدنيا مصري بيحبها واوي بعيد عن الحكومة والاسعار والبطالة
    كلنا بنحب مصر حتى لو قولت غير كده
    شكرا اختي هبة اللي صحيتي فينا المشاعر الجميلة دي
    ربنا يخليكي يا رب

    ردحذف
  2. ألف مبروك لمصر
    انا بصراحة مكنتش متوقعة انهم يفوزوا
    بس الحمد لله
    رفعوا راسنا
    حادثة تتسجل فى تاريخ الزمن مش بتحصل كتير

    النصر لمصر
    :)

    تحياتى

    ردحذف
  3. اختيارك للاغاني اللي بتشتغل مع المودنة اختيار رائع
    بجد مرسي على كل جهد بتبزليه في المدونة دي

    ردحذف
  4. عابد الرحمن

    شكرا على مرورك وكلامك الرقيق

    أداني دفعة بجد وأنا لسه جديدة في عالم التدوين

    ومش هأقول أن مدونتك رائعة لحسن تفتكرني بجاملك

    بس بجد مدونتك جميلة بالذات أخر موضوع اللي أنا مستنية بقيته

    تحياتي ليك

    ردحذف
  5. حدوتة

    شكرا على مرورك

    نورتي مدونتي المتواضعة

    النهاردة مصر كسبت السودان 3 مقابل لا شيء

    يارب تتوالى الانتصارات ويكون النصر من نصيب مصر زي ما قلتي

    تحياتي

    ردحذف

اتكلم براحتك أنت في مدونة ديموقراطية جدا واخد لي بالك