الثلاثاء، ٦ أكتوبر ٢٠٠٩

خواطر أكتوبرية

منتخب الشباب خسر وهو ما يستحق أن يطلق عليه لعنة الطلاينة


يا جماعة محدش بيكسب الطليان ويكسب تاني في الماتش اللي بعده




*******

بلاش يا جماعة نربط 6 أكتوبر بمباراة كرة قدم لإن 6 أكتوبر أكبر من كده
******
أصابني أحباط تفاعلي مركب شديد لما عرفت القصة الحقيقة لسامية فهمي أو الصحفية ليلى عبد السلام
اللي طلعت مالهاش علاقة باللي حصل في المسلسل خالص
ليلى عبد السلام لم تخاطر وتذهب لإيطاليا لتمنح معلومات للموساد ولم ينجح جهاز المخابرات المصري في تهريبها وإعادتها للقاهرة كما حدث في المسلسل لإن الواقعة في الحقيقة حدثت في القاهرة والباقي من خيال الدراما.
*****
يا ترى إسرائيل بتعمل ايه في ستة أكتوبر
بعد ما شفت حرب الجواسيس فكرت هما الإسرائيلين مش بيعملوا مسلسلات لوقائع نجح فيها الموساد في التغلب على جهاز المخابرات المصري ولا هما عمرهم ما تغلبوا علينا أبدا
********
إذا لقيت واحد يبيع علم مصر فالشارع فتأكد أن المنتخب بيلعب ماتش النهارة
فعلا كنت بتمنى أعيش أيم أكتوبر فعلا .... أيام ما كان أسم مصر مش مرتبط بس بماتش كورة

هناك ٣ تعليقات:

  1. معاكى حق فى موضوع المسلسل
    الحبكة الدرامية بتاعته مكناتش حلوة وكان فى تطويل كتير وف الاخر طلع التطويل لحاجة مش حقيقية
    لكن اهو بيقولوا لازم نعمل سيناريو واحذاث مشوقة عشان يبقى عمل فنى متكامل

    حتة اسرائيل مش بتعمل مسلسلات ليه اكيد عشان مش كسبونا قبل كدة خالص
    بس هما اكيد شاغلين وقتهم فى انهم يفكروا هيكسبونا ازاى بعد كدة

    اما بقى عن الكورة والمهازل الى بتحصل يوم الماتش
    انا ساكنة جنب استاد القاهرة
    المنطقة بتتقفل باللون الاحمر والابيض والاسود
    سواء ناس لابسة كدة او اعلام
    الناس بياخدوها تسلية وخروجة
    لا عشان اسم مصر ولا نرفع راس مصر عاليا
    عايزين يحبوا مصر ويرفعواراسها
    يعملوا حاجة مفيدة احسن من الرقص والتنطيط


    اخيرا

    وحشتينى جدااااااااااااااااااااا
    بشكل فزيييييييع
    وفوق الفزييع

    ردحذف
  2. ahmedmisry

    مرحبا بك بالمدونة



    dramaqueen


    أخبارك يا قمر


    أنتي وحشاني جدا والله

    ألف مبروك على الخطوبة وربنا يسعدك ويوفقك دايما يا قمر

    ردحذف

اتكلم براحتك أنت في مدونة ديموقراطية جدا واخد لي بالك