الخميس، ٥ مارس ٢٠٠٩

شيـكــا بيكــا



شيكا بيكا وبوليتيكا .. ومقالب أنتيكا

ولا تزعل ولا تحزن .. اضحك برضه يا ويكا

ها ها ها ها .. ع الشيكا بيكا


أنا بضحك من قلبي يا جماعة

مع إني راح مني ولاعة

وبطاقتي ف جاكتة سرقوها

وغتاتة كمان لهفوا الشماعة

بقيت أرجف من السقعة

لكن بضحك

الضحك ده مزيكا

كهربا علي ميكانيكا

اضحك ع الشيكا بيكا

ها ها ها ها .. ع الشيكا بيكا


أنا راح مني كمان حاجة كبيرة

أكبر من إني أجيب لها سيرة

قلبي بيزغزغ روحه بروحه

علشان يمسح منه التكشيرة

ادعوله ينساها بأي ويضحك


الضحك ده مزيكا

كهربا علي ميكانيكا

اضحك ع الشيكا بيكا

ها ها ها ها .. ع الشيكا بيكا


هتقولي الشيكا بيكا ايه هي ؟؟؟

هي الحركات اللي مش هيا

الفرقة .. والحرقة .. والغرقة

والزمبة ف البمبة الذرية

فبدال ما نطق يا وله .. لاء نضحك



الضحك ده مزيكا

كهربا علي ميكانيكا

اضحك ع الشيكا بيكا

ها ها ها ها .. ع الشيكا بيكا


*


*


صلاح جاهين ده مبدع بجد

هناك ٢٣ تعليقًا:

  1. جيتى على حاجه حبها بجد
    شكرا

    ردحذف
  2. المشكله ان وقتها الواحد ممكن بردو يطق من الضحك لان الضحك بيبقى ناتج من المرارة المفقوعه من الاحداث اللى بتحصل ):

    ردحذف
  3. اه يانى...رغم ان الاغنية كلها ضحك و بتاع عمرى ما اتبسطت لما بسمعها ....بموت فيها و بحب سعاد و هى بتغنيها و بعشق عمك صلاح انما فكرة انك مضطرة تضحكى حتى لو على مواقف واجعاكى دى بتصايق...و شوفى بجد موصل معنى عميق اوى ازاى بكلام منتهى البساطة..مبدع فعلا
    الله يرحمه

    ردحذف
  4. :)

    فينـــك من زمـان...وحشتنينى و وحشتنى مدونتك

    متتقليش علينا كده

    ردحذف
  5. عارفه الكلام دا جه فى وقته

    جميل اننا نتفائل

    حمد الله على سلامتك

    ردحذف
  6. محمد

    أنا كمان بحب الأغنية دي جدا

    ردحذف
  7. Sweet Violet

    نطق من الضحط احسن ما نطق من الهم

    مادام كده كده هنطق

    ردحذف
  8. dina

    مهو ده المميز في الأغنية

    فلسفة التعامل مع الصدمة اللي بتعرضها الأغنية حلوة جدا

    لكن حكاية تنفيذها بقى هي اللي صعبة ومش كل الناس تقدر عليها

    ردحذف
  9. Saydalanya Mat7oona

    والله مش تقل ولا حاجة

    أنتي كمان واحشاني جدا .. يارب تكوني بخير

    ردحذف
  10. romansy

    الله يسلمك

    والله ادينا بنحاول نتفائل ونضحك ونبتسم وربنا يفرجها من عنده

    ردحذف
  11. عمنا وأستاذى وحبيبى صلاح جاهين كلماته بلسم

    بجد جميلة جدا وشكرا انك عرضتيها

    تحياتى



    احمد الشاعر

    ردحذف
  12. حلوة اوى الله يرحم صلاح جاهين

    ويسامح سعاد حسنى قى

    الكلمات روعه اول مره اخ بالى منها بالشكل ده
    اختيار رائع

    ردحذف
  13. السلام عليكم ورحمة الله وبركاته

    تمــــــــــــــــام
    مبدع

    كأني سامعه سعاد حسني وهيا بتغنيها

    تحياتي
    الى اللقاء

    ردحذف
  14. elsha3er

    والله أنا بحب صلاح جاهين جدا

    والأغنية دي سعاد حسني أديتها حلو جدا

    ردحذف
  15. momken

    الحلو في الأغنية أنه عبر بكلمات بسيطة جدا عن معنى كبير وطريقة سلسة ومعبرة في نفس الوقت

    ردحذف
  16. kemet

    أزيك

    سعاد حسني كان أدائها للأغية متميز جدا

    مش متخيلة حد تاني يغنيها

    ردحذف
  17. شيكا بيكا
    شيكا بيكا
    شيكا بيكا


    تحياتى

    ردحذف
  18. كفراوي

    الشيكا بيكا كتير

    بس اهي ماشية

    ردحذف
  19. ههههههههههههههه



    قهقهقهقهقهقهقهقهقه



    بضحك اهو


    بس هو انا اسمى مكتوب؟

    ردحذف
  20. السلام عليكم
    صلاح جاهين موهوب جدا ومميز
    شكرا على الكلمات الجميله للمبدع الرائع
    تقبلى تحيتى ومرورى
    اشوفك بين حروفك
    سلاااااام

    ردحذف
  21. تحفه و كل اعماله تحفه
    الله يرحمه بجد

    تحياتى

    ردحذف
  22. هبة حبيبتي
    انتي فين؟؟؟؟؟؟؟؟؟؟؟
    وحشتينا ووحشنا أطيب قلب والبعاد طول
    لعل المانع خير
    بس طمنينا عليكي

    يا رب كل أخبارك حلوة

    ردحذف
  23. ما كتبه صلاح جاهين له طابع خاص ...مختلف

    ردحذف

اتكلم براحتك أنت في مدونة ديموقراطية جدا واخد لي بالك