الأربعاء، ٤ فبراير ٢٠٠٩

توقفت الثرثرة

محمد مات

كل الناس بتقول إن محمد مات

وأنا مش قادرة أصدق

مش قادرة أصدق إني هكتب ومحمد مش هيدخل يعلق على البوست

على مدى سنة تقريبا هي عمر المدونة عرفت مجموعة كبيرة من الناس

ومحمد كان من أوائل الناس اللي عرفتهم

وبرغم أني معرفش كل أصدقائي هنا بشكل شخصي لكن يمكن أكون عرفتهم أكتر من ناس بشوفهم كل يوم

ببساطة لإن كل واحد هنا بيظهر زي ما هو .. مفيش حاجة بتجبر حد أنه يظهر بغير حقيقته

ولا يتصرف عكس اللي جواه

علشان كده أنا حسيت أني أعرف كل الناس اللي هنا كويس لأني عرفت أرواحهم وعقولهم مش بس عرفت شكلهم

كل الناس اللي عرفتهم هنا بقوا جزء من عالمي ... بقوا أخواتي

محمد مات

جملة صعبة أوي

واقع مش هقدر أغيره وهأخد وقت كبير على ما أقدر أصدقه واتعايش معاه

ربنا يرحمك يا محمد ويغفر لك ويجعل مثواك الجنة

ربنا يقبل حسناتك ويتجاوز عن سيئاتك ويصبر أهلك

هناك ١٤ تعليقًا:

  1. السلام عليكم ورحمة الله وبركاته

    آمين
    اللهم انك انت الغني عنا فاغفر وارحم وانت ارحم الراحمين
    اللهم تقبله ياغني يا عفو ياعظيم العفو
    آمين

    ردحذف
  2. ربنا يرحمه ويغفر له ويصبر اهله

    ردحذف
  3. محمد هيفضل بروحه معانا
    لأن كل مدونة هنا عليها توقيعه
    وحتة منه

    وكل واحد فينا ف قلبه ذكرى رائعة لمحمد.. ومستحيل انسان زيه نقدر ننساه..


    لك الجنة يا محمد بإذن الرحمن
    ولنا الصبر الجميل.. حتى حين

    ردحذف
  4. اللخم يرحمه ويسكنه فسيح جناته

    ردحذف
  5. السلام عليكم

    البقاء لله

    يؤسفني تواجدي بعد هذه الفترة عندك من أجل مواساتك في أخينا محمد ,,ربنا يرحمه ويصبر والدته

    أختي الحبيبة

    أرجو المشاركة في ختم للقرآن الكريم يوهب ثوابها لأخينا محمد التفاصيل عند أختنا الكريمة نورأهاتي وعلى مدونتي
    وبرجاء نشرها بين من تعرفين من أصدقائه
    وجزاكم الله كل خير

    ردحذف
  6. توقفت الثرثره
    مفيش كلام بعد كده يتقال
    ولا حرف يقدر يوصف اللى الكل حاسس بيه
    الرحمه من عندك يارب

    إنا لله وإنا إليه لراجعون

    ردحذف
  7. اه و الله كل كلمه قولتيها بقولها لنفسى
    قد ايه كان انسان رقيق و محترم و مثقف و طيب
    قد ايه بجد كان بيحس كل كلمه بكتبها و بقولها
    كنت بتستنى تعليقه علشان يفسرلى مشاعرى انا

    الله يرحمك يا محمد ياااااااااااااارب
    اللهم امين و يكسنه فسيح جناته

    ردحذف
  8. اقرأ نص اتفاقية منع تهريب السلاح لغزة
    وادعوا الله ان يثبت مصر في عدم التوقيع عليها

    ردحذف
  9. ربنا يتولاه برحمته
    ويصبر أهله وكل حد عرفه وموجوع لفراقه

    ردحذف
  10. البقاء لله وحده

    انا لله وان اليه راجعون


    ربنا يرحمه ويلهم اهله الصبر والسلوان

    ردحذف
  11. البقاء لله

    ربنا يرحمه ويغفر له

    ردحذف
  12. لا اله الا الله....ربنا يتجاوز عن سيئاته و يجعل مثواه الأخير الجنة


    وحشتينى والله يا هبة

    ردحذف
  13. يقف الكلام .

    اللهم كن لنا وله .

    ردحذف
  14. البقاء لله

    ربنا يرحمه ويصبر أهله

    ردحذف

اتكلم براحتك أنت في مدونة ديموقراطية جدا واخد لي بالك