الأربعاء، ٥ نوفمبر ٢٠٠٨

أوباما ... الملك الجديـد


بغض النظر عن الابعاد السياسية واللي غالبا مش هتتغير لأنها سياسة عامة لدولة ومش هتتغير بتغير الرئيس

إلا أني فرحت جدا بفوز اومابا سواء إذا كان هيقدر يعمل تغيير حقيقي أو لاء

الصراحة أنا بعتبرها حاجة كويسة جدا

أخيرا رئيس جمهورية أسمر في بلد عاني فيها أصحاب البشرة السمراء كثيرا

واضطهدوا وحرموا من حقوقهم ومورست تجاهم كافة أساليب الاساءة والتعامل الغير الأدمي

فوز أوباما مؤشر جيد على اختفاء العنصرية من المجتمع الامريكي ونتيجة جيدة لكفاح طويل

لكن ترى هل تختفي العنصرية من السياسة الأمريكية؟؟؟

وترى من الوقت يلزم لذلك؟؟؟؟


هناك ٣٠ تعليقًا:

  1. السلام عليكم ورحمة الله وبركاته

    نجاح اوباما كان شيء مشكوك فيه علي الرغم من كل المؤشرات كانت بتتنبأبفوزه

    لكن فوزه خلاني افكر احنا محتاجين كام سنه علشان نختار
    مش يختارولنا

    تحياتي
    الي اللقاء

    ردحذف
  2. احنا المفروض نصبر شويه نشوف سياسيه التغير فعلا على الواقع

    ردحذف
  3. مبروك عليهم

    والله يستر نا منه!!

    ردحذف
  4. هذا ردى على المدعو امل فنحى المضلل
    سيدتى او سيدى امل
    الاسلام دين سماوى ، وكتابه محفوظ بعناية الله من التحريف عكس ما حدث للكتابين من قبله ، وليس دينا وضعيا كالبوذية والمجوسية والبهائية ، كى تطرح قضاياه للنقاش فى المدونات ، اوالدفاع عنه ضد مرضى عميت قلوبهم ، لسنا اهل تخصص ولا فقهاء وللفقهاء احترامهم ولهم حق الاجتهاد والامر ليس متروكا لكل من هب ودب ، ولماذا نشكك فى فقهاء الاسلام بينما لايجرؤ يهودى او مسيحى فى مجادلة حاخام اوقس رغم ما طرا على الكتابين من تحريف وما حوياه من تضارب واختلاف ، وما حوياه من مجون وسوء ادب مع الانبياء ، كنشيد الانشاد للنبى سليمان عليه السلام
    السيد او السيدة امل ، ادرئي عن نفسك الشبهات فهذه دعوة باطلة يراد بها باطل

    ردحذف
  5. بصراحة رغم زى ما قلتى نجاحة مش هيقدم ولا هياخر
    بس فعلا خطوة كويسه اوى اوى فى تاريخ امريكا

    تحياتى

    ردحذف
  6. قبل أى حاجة..ازيك يا هبة..ايه آخر الأخبار؟؟

    ثانيا كده خطوة أمريكية ذكي بعد التاريخ الأمريكى الطويل فى الاضطهادالشنيع للسود فى أمريكا بقا الرئيس أفريقى أمريكى زى ما بيحبو يقولوها..الموضوع مش خطوة جريئة على قد ما هو خطوة سياسية مع وجود الظروف الاقتصادية الشنيعة الحالية

    بس بدون هضم حق أوباما أنا شايفاه شخصية مستقرة و تاريخه هو كمان مستقر...عندى احساس انه هيصنع تاريخ برغم الحمل المهول و كمية الملفات الكتير اللى محتاجة تتقفل فى عهده

    تحياتى يا جميل

    ردحذف
  7. كله عند العرب صابووووووون

    انا مش فارق معايا القصص دى

    ردحذف
  8. من الاخر اوعى تنسى انك عربيه وهما بيعملوا العرب ازاى ؟
    صح ؟

    ردحذف
  9. لالجلد الطبيب المصرى بالسعوديه 1500جلده

    ردحذف
  10. kemet

    على فكرة التغيير مش بيأخد وقت كبير

    بس بشرط أن يكون فيه رغبة للتتغير من الأساس

    ردحذف
  11. romansy

    أهو ادينا مستنيين ولو أنه بيتيألي التغير مش هيكون كبير

    ردحذف
  12. اقصوصه

    على رأيك

    ربنا يكفينا شره

    ردحذف
  13. Rania

    فعلا هي حاجة كويسة جدا بالنسبة للمجتمع الأمريكي

    ربنا يسهل وتطلع كويسة للعالم كمان

    ردحذف
  14. Saydalanya Mat7oona

    أهلا بيكي ... أزيك أنتي

    فعلا هي خطوة سياسية ذكية لتحسن الورة الأمريكية بعد عمونا بوش

    عموما ياريت يكون تغيير للأفضل

    ردحذف
  15. kafrawy

    كله بالنسبة لنا صابون

    ممكن ده يكون سبب مشاكلنا

    ردحذف
  16. صوت من مصر

    أنا منسيتش يا محمد

    صعب أنسى بس الواحد بيتعلق بالأمل

    ردحذف
  17. لا تذم ولا تشكر الا بعد سنه وتسع تشهر

    على فكره اغنيه عايده الايوبى جميله جدا جدا اخر حاجه

    ردحذف
  18. ابو على

    طيب يعني نستنى سنة وتسع شهور

    ماشي واحنا ورانا ايه

    سعيدة إن الاغنية حازت على اعجابك

    ردحذف
  19. اناجديد ومن يؤمن بهدفى فليساعدنى على الانتشاربين الاصدقاء فى المدونات

    وكل ما ارجوه الدخول الى مدونتى وقراءة كل حرف بامعان وان نكون جادين فجماعات الافساد متكتلة ومدعومة وشبابنا غارق فى الغزل والمجاملات السخيفة ارجو التريث وعدم الغضب

    ردحذف
  20. ازيك يا هبه , انا متشكر اوي بجد علي سؤالك في المدونه , ربنا يخليكي ,.

    ياريت كمان انتي كمان متبقيش تغيبي عن التدوين كتير كده..

    بالنسبه لاوباما انا بصراحه مش متوقع حاجه منه في صالح العرب او المسلمين , لكن رغم ذلك فذهاب بوش ذلك المغرور الجاهل شئ جيد بالتاكيد , كما ان نصر اوباما يجعلني افكر متي نصل للقدره علي اختيار رؤسانا بحريه مطلقه ويكون الرئيس لدينا مجرد فرد عادي من افراد الشعب ؟؟؟؟؟

    تحياتي دائما

    ردحذف
  21. كلامك صح
    بس هو نفس نفس النهج سيسيتم وماشى عليه كل رؤساء امريكا
    ربنا يستر

    ردحذف
  22. أولا العنصرية لم ولن تتغير .
    ثانيا إحنا كلنا فرحنا لأننا شوفنا حد بيعمل حاجه نفسنا نعملها ، السود قدروا يخرجوا رئيس أسود لأمريكا عقبال المصريين ما يقدروا يخرجوا رئيس منتخب لمصر.
    تحياتي
    دمت مبدعه

    ردحذف
  23. الفارس الملثم٧ ديسمبر ٢٠٠٨ ٧:١١ ص

    كل سنه وانتي طيبه يا هبه ,وعيد سعيد عليكي ان شاء الله .. واتمني انك تكوني بخير وفي خير حال

    ردحذف
  24. Mahdi Mahdi

    يسعدني زيارة مدونتك

    شكرا على مرورك

    ردحذف
  25. محمد

    حمد الله على السلامة

    بالنسبة لبوش فعلا الموضوع مش هيفرق كتير لأنها سياسة عامة لدولة مش سياسة فرد

    بس الأمل في التغيير بقى هو اللي بيحركنا

    ردحذف
  26. نهر الحب

    فعلا كلامك مظبوط

    ربنا يستر

    ردحذف
  27. أحمد عصام

    أوباما كسب لأنه على النقيض تماما من بوش

    اللي الناس هناك معدتش طايقاه

    على العموم ادينا هنشوف هو هيعمل ايه

    ردحذف
  28. محمد

    كل سنة وأنت طيب

    عيد سعيد عليك وعلى كل اللي بتحبهم

    ردحذف

اتكلم براحتك أنت في مدونة ديموقراطية جدا واخد لي بالك