الجمعة، ٨ فبراير ٢٠٠٨

أنا مصري وايويــا مصري

مش عارفة أقول ايه بصراحة

مكنتش أعرف أني بحب مصر أوي كده ... ومش عارفة هل المفروض أني استنى ماتش كورة يعرفني أني بحب بلدي

أنا عمري ما حبيت الكورة ولا كان لي فيها ولا بفهم فيها حتى .. ايه اللي يخليني اتفرج على ماتش ساعة ونص واتعصب واتشد وازعق واصرخ

ايه اللي يخليني اهتم وابكي من الفرحة والتأثر في أخر الماتش غير اني فعلا بحب بلدي

بحبها أوي مع أني مخنوقة من زحمة المواصلات وارتفاغ الاسعار وضعف المرتبات وغلاسة موظفين الحكومة اللي يطلعوا عينك علشان تخلص مصلحة ولا ورق مهم

بحبها رغم البطالة والتوريث .. بحبها برغم التوك توك والعربيات اللي بتمشي في عكس الاتجاه

وبحب ناسها لانهم في النهاية طيبين وبيحبوها زيي

أنا بحب مصر

*******
تحديث

ألـف مبــــروك لمصر ولكل المصريين

يارب فرحنا كمان وكمان

هناك ١٤ تعليقًا:

  1. وانا كمان مصري
    بس حب مصر مش بالكلام
    ولا الحماس بس
    لا
    بالعمل والجهاد
    ولو مجاهده النفس والعمل في اصلاح الذات

    ردحذف
  2. البوست رقيق اوي
    واحساسك وصلني بجد
    وبجد كلنا بنحب مصر

    ردحذف
  3. ايوة بحب مصر

    ايوة بنحب مصر

    ردحذف
  4. شكرا اوى يا هبة على رايك فى كلامى انتى انسانة صريحة جدا فى كلماتك وهو دة سبب جمالها الحقيقى ويا ريت تزورى مدونتى ونبقى اصحاب لان دة يشرفنى جدابجد

    ردحذف
  5. انا مش مصرية
    انا فلسطينيه من سكان القدس المحتله
    ولكن مصر بحبها بحبها بحبها والله حبها كبير بقلبي بحس كل الدول العربية بلدي زي ما فلسطين بلدي
    امبارح الكل كان متابع المباراه وما تتصوري قديش كنا متفاعلين
    وحسيت النصر الي زي ما هو الكم اكيد احنا لازم نكون واحد
    فلسطين كلها رقصت فرح عشان نصركم نصرنا
    بحبك يا مصر
    روري

    ردحذف
  6. بصي انا يمكن بقالي فترة مش متابع الكرة , لكن انا زي ناس كتير مش ممكن مصر بتلعب ومتفرجش ..

    واد ايه والواحد بيتفرج كان حاسس ان الحكاية اكبر من مجرد تشجيع لفريق بيلعب , لا بقي الفريق ده رمز لمصر , ولما شفت الناس كلهم زيي اكد لي شئ انا كنت مقتنع بيه جدا , ان مفيش شعب بيحب بلده زي المصريين وان نقدنا الشديد ليها بس عشان نفسنا تكون اجمل مكان في الدنيا لان تاريخها وحضارتها بيقولوا كده..

    الف شكر يا هبة علي المدونة المميزة اللي انا مستغرب اوي من اسمها

    ردحذف
  7. أنا إنسان

    مرحبا بيك

    سعيدة بمرورك

    انت عندك حق الحكاية مش كلام وأنا فعلا بدأت في مجاهدة النفس

    تحياتي

    *
    *
    عابد الرحمن

    فينك واخبارك ايه ؟؟

    شكرا على كلامك نورتني

    *
    *
    كفراوي

    نورت المدونة ويارب متكونش أخر مرة

    فعلا كلنا بنحب مصر

    *
    *
    سارة علي

    ربنا يخليكي

    أنتي كمان مدونتك جميلة وأسمها بيدل على شخصيتك

    تحياتي ليكي

    *
    *

    MĕŢø & ŘǿŖêĔ

    نورتيني بجد

    العرب كلهم كانوا بيشجعوا مصر لأنها الفريق العربي الوحيد اللي وصل للنهائي

    المصريين كلهم بيحبوا فلسطين

    تحياتي

    *
    *

    الفارس الملثم

    صاحب المدونة المتميزة جدا جدا

    فعلا أنت عندك حق وده اللي أكد لي أننا بنحب مصر لأن الموضوع مكنش مجرد تشجيع وخلاص

    المدونة خلاص رجعت لاسمها الأصلي

    أنا غيرت الاسم مش بسبب الاكتئاب ولكن حسيت أنه معبر عن حالي أكتر لكن دلوقتي خلاص رجعته زي ما كان

    ردحذف
  8. الفارس الملثم

    صاحب المدونة المتميزة جدا جدا


    بداية متشكر اوي يا هبة علي مجاملتلك الرقيقة دي


    اما بالنسبة للاسم فبالتاكيد الاسم ده افضل لان الاسم التاني قاسي شوية

    واكيد كلنا بيجلنا حالات الاكتئاب دي وربنا يخفف عنا كلنا

    تقبلي مروري

    ردحذف
  9. الفارس الملثم

    أنا بجد مش بجاملك ولو كانت مدونتك ما تستحقش كلامي مكنتش هأقوله ولا كنت هأحرص على متابعتها

    ربنا يخفف عن كل متضايق

    وبالنسبة لمرورك

    ربنا يكرمك وما يقطع لك كومنتات

    اديك شايف الحالة الناس بتدخل وتمشي
    وفاضل لي شوية وأقول اتبرع ولو بكومنت

    وده إن دل فهو يدل على تقل دمي أنا والمدونة

    ولذلك أنا بشكرك جدا على مرورك واهتمامك

    وربنا ما يمنع عنك الكومنتات

    تحياتي

    ردحذف
  10. ههههههههه

    معذرة اني بعلق لتالت مرة ,اصل كلامك ده جه علي الجرح ,لدرجة اني عملت مدونة من فترة بس يغلب عليها الخواطر وجالي يدوبك فيها كام تعليق لدرجة اني اتعقدت وحولت كل المشاركات فيها لمسودات وعملت المدونة دي ..

    ووالواحد بيفكر يعمل زي المنتخب ويدبح عجل علي باب المدونة يمكن النحس ينفك , وبركاتك يا شيخ ابو تريكة

    ردحذف
  11. كلنا فرحنين
    وياريت الفرح ده يدوم
    بس للاسف!!!!!!!!!!
    طول ما النظام ده موجود مش هنفرح ولا هنشوف النور
    بس مش مهم
    فرحنا يومين
    وهبكى 100 يوم
    ويجعله عامر

    ردحذف
  12. مش عارفة اخر مرة سمعت فيها حد بيقول انا بحب مصر امتى
    مبروك لمصر
    ملحوظة مدونتك ماشية للامام
    بتتطورى فى اسلوب عرضك للمواضيع كل مرة

    ردحذف
  13. انا موجود يا هبة والله
    بس مشغول في والدي وفي مشروع فاتحه جديد ومش عارف اعمل فيه ايه ادعولي

    ردحذف
  14. الفارس الملثم

    ولا يهمك أنا أصلا بشكو مننقص التعليقات فعلق مرة .. اتنين .. تلاتة براحتك يعني

    وربنا يفك نحس جميع المدونات

    *
    *

    elshafey

    أهلا بيك في المدونة

    ويارب تكررها تاني إن شاء الله

    أنا فعلا رأيي من رأيك لأن ده اللي حصل في 2006

    *
    *
    مها

    ربنا يخليكي

    ويارب أتطور كمان وكمان

    *
    *

    عابد الرحمن

    ربنا يكون في عونك ويوفقك ويطمنك على والدك إن شاء الله

    ردحذف

اتكلم براحتك أنت في مدونة ديموقراطية جدا واخد لي بالك