الجمعة، ١ فبراير ٢٠٠٨

تاج الصبــاغ

تم تمرير التاج لي بواسطة هبهوب و ابن البلد مصري

1

هل توافق على حزف خانة الديانة من البطاقة الشخصية ؟

لا أوافق
3
هل تعتقد بوجود إضطهاد للمسيحين فى مصر ؟
لا اعتقد إن الأقباط في مصر يعانوا من الاضطهاد
4
من هو الشخص الذى تختارة لرئاسة مصر ؟
أي حد عنده ضمير وبيحب مصر ( ولو أني بيتهيألي إن المنصب نفسه مفسد )
5

أذا قمت بتأسيس حزب سياسى .. من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟
المصريين الغلابة اللي زي حالاتي لأني أنوي تطبيق نظرية انسف حمامك القديم لأنه بصراحة يستحق النسف

6
هل توافق على مشاركة كل من : الإخوان المسلمين - الأقباط فى الحكم ؟
إذا كان ده في مصلحة بلدي هأقبله

7
فى رأيك الشخصى .. ما هى أفضل مدونة على بلوجر قمت بزيارتها ؟


عدد كبير جدا ومنهم ناس ما يعرفونيش أصلا : حدوتة - ابن البلد مصري - لا إله إلا الله - dramaqueen - حكاوي وتخاريف وأشياء أخرى - TENDERose - خالو أحمد الصباغ - قصاقيص مشاعر - طهقان - طهقانة - عايزة أتجوز وغيرهم ...

8
للذكور فقط : أيهما تفضل كزوجة .. إمراءه عاملة ، أم ربة منزل ؟
لإناث فقط : هل توافقين على الزواج من رجل مطلق ؟
لا اعتقد أني سأوافق

9

اذا تزوجت وأنجبت ولدين وبنتين .. أى الأسماء تحب أن تسمى ؟
أحمد - يوسف - ياسمين - سارة
10
هل تعتقد أن توريث الحكم فى مصر . . سيتم فعلا أم لا ؟
ميه في الميه هيحصل

11
فى رأيك الشخصى : ماهو أفضل إنجاز لحكومة مبارك ؟ وما هو أسوأ عمل قامت به ؟
والله ما عارفة ده سؤال محرج أوي الصراحة

إلي هنا انتهى تاج الصباغ الأسئلة القادمة اضافتها هبهوب وسأجيب عنها أيضا

1
هل كتبت مرة بوست ف البلوج ومسحته؟امتى وكتبت ايه؟؟؟ لو مش عندك بلوج ...هل كتبت حاجه ف ورقه وقطعتها؟؟؟ او ايميل ومبعتوش؟؟؟
كنت هاكتب بوست عن مسلسل صرخة أنثى وحفظته لحد ما ابقى ارجع له تاني
2
لو حسيت بحد بيتظلم قدامك هتعمل ايه؟؟؟؟

لو أقدر اساعده يبقى هاساعده ولو مقدرش اعمل حاجة هاعدي له لإن بجد الظلم وحش
3

لو رايح المريخ وهتاخد حاجات معاك هتاخد ايه؟؟؟ ولو شخص هتاخد مين؟؟؟؟
مش عارفة ممكن أخد ايه .. يعني أكيد هأخد كل الحاجات التي هاحتاجها هناك وبالنسبة للشخص مش هأقدر اختار شخص واحد بس .. أكيد فيه أكتر من شخص وجوده مهم وأساسي في حياتي

4

لو حصل لك ايه ف حياتك هتقول كدا كفايا انا كدا حققت الى بتمناة؟؟؟
أني أكون سعيدة ويكون كل اللي حواليا سعدا
5
ماهو الرقم المفضل لديك؟؟
5 اليوم اللي اتولدت فيه

6
من اكثر الشخصيات المؤثرة عليك ف حياتك شخصية عامه و خاصه؟؟؟
شخصية خاصة : والدي ... شخصية عامة : أحمد خالد توفيق
7
شخص تضحى بحياتك من اجله؟؟؟؟
أنا شخصيا ممكن أعمل أي حاجة علشان الناس اللي بحبها بجد بس مش عارفة إذا كنت أملك شجاعة التضحية بالنفس ولا لاء
8

اجمل اغنيه .و...اجمل نشيد ..و...افضل شيخ ..و..افضل منشد..و..افضل مكان ؟؟؟؟؟
أجمل أغنية : أواخر الشتا (هو في غيرها طبعا بس دي اللي معلقة معايا دلوقتي)
أجمل نشيد : ليس الغريب
أفضل شيخ : محمود المصري - محمد حسان
أفضل منشد : مشاري راشد

أفضل مكان : أسكندرية في الشتا
9
لما تكون سعيد يتعمل ايه ...ولما تكون مخنوق بتعمل ايه او بتروح فين؟؟؟؟
لو سعيدة بخرج واتكلم واهزر واضحك .. لو مخنوقة بحب ابقى لوحدي وغالبا بحب اتمشى لوحدي
10
هل ممكن تتأسف لأنسان ..لو كنت غلطان؟؟؟
ممكن جدا طبعا لو حسيت أني غلطانة

11

امتى مريت بموقف مضحك اوى ومكنتش قادر تمسك نفسك من الضحك؟؟
كل مواقفي مع أصحابي تموت من الضحك
12
لو هتموت بعد ساعة (بعد الشر) ايه اول حاجه هتفتكر انك المفروض تلحق تعملها؟؟


مش عارفة .. من رحمة ربنا فعلا إن ميعاد الموت غير معلوم .. بيتهيألي لو عرفت أني هموت بعد ساعة الخوف هيخليني معملش حاجة


لمن تمرر هذا التاج ؟

امرر هذا التاج على كل من dramaqueen - بيسو - حدوتة - دكتور حماس - ضمير حي - راسبوتين .

هناك ٤ تعليقات:

  1. اسفه يا هبهوب
    بقالى فترة غايبه عن عالم البلوجر
    بس مشاغل اعمل ايه ادعيلى
    ---بس انت عارفه انا مقدرش اغيب عن مدونتك ابدا
    لانى بحب اسلوبك جدا ومواضيعك الهايله
    ردودك حلوة اوى عجبتنى
    متشكرة على اهتمامك يا قمرة
    وسلام مؤقت

    ردحذف
  2. ربنا يخليكي

    كلامك بيرفع من معنوياتي بجد

    أنا أصلا عندي احساس ان المدونة فاشلة والمفروض اجيب ضورفها واروح

    شكرا على مرورك وتمريرك التاج ليا

    وربنا يقويكي ويوفقك بس ما تطوليش علينا الغيبة

    سلام يا قمر

    ردحذف
  3. حبيبتى هبه
    اجاباتك مذهلة لكن دة مينمعش انى متغاظة منك عشان عندك اغنية وانا مش عندى وكمان انتى جبتى تصميم البلوج دة منين مكنش موجود فى التيمبلز لما عملت بلوجى
    يلا سلام

    ردحذف
  4. والله يا مها أنا حاولت أحط لك الكود في الكومنت ومنفعش

    ومنفعش كمان أحطه في الشات بوكس عندك ومعرفتش أدخل الشات روم

    أعمل ايه بقى

    بصي لو دخلتي الصفحة اللي كنت حاطها بتاعة بنت مصرية هتلاقي تحت خالص الكود بتاع أضافة ملف صوتي للمدونة

    هيا فعلا شرحاه كويس أوي

    جربي أنتي بس

    ردحذف

اتكلم براحتك أنت في مدونة ديموقراطية جدا واخد لي بالك