السبت، ٢٦ يناير ٢٠٠٨

أحبك آه .. أقولك لا

قرأت منذ فترة في بريد القراء في أحدى الصحف رسالة من فتاة ذكرت فيها أنها كانت تحب زميل لها في الكلية

وظلت طوال الأربع سنوات تحبه في صمت حتى اقتربت السنة الأخيرة من الانتهاء فصارحت أحدى زميلاتها

التي نصحتها بمصارحته لكنها ترددت حتى أنتهى العام الدراسي وكل واحد راح لحاله

و ذكرت الفتاة في أخر رسالتها أن سبب أمتناعها عن الإفصاح عن حقيقة مشاعرها هو تحفظها حيث أنها كما ذكرت لم تكن تحتك بزملائها الشباب إلا في أضيق الحدود فهي كما وصفت نفسها متحفظة وملتزمة

و بغض النظر عن الأسباب التي ذكرتها صاحبة الرسالة نعود للموضوع الأصلي

وهو مصارحة الفتاة للشاب بحقيقة مشاعرها تجاهه إذا شعرت وتأكدت من وجود هذه المشاعر من الأساس

وسألت نفسي كفتاة لو كنت في نفس موقفها ماذا كنت سأفعل وكانت الاجابة مثلها تماما

ليس فقط بسبب الإلتزام والتحفظ وعدم الإحتكاك بالزملاء كما ذكرت ولكن سيكون دافعي الأول هو الحياء

لن أتمكن من فعلها مباشرة ولا حتى بالتلميح سأصمت تماما كما فعلت هي

ولأسباب أخرى فمثلا لن أدري كيف سيكون رد فعل الشاب الذي سأصارحه بمشاعري ونظرته لي

ولا ننسى هنا أننا نحيا في مجتمع يحظى فيه الرجل بحق المبادرة الأولي في الحب والزواج

فشيء طبيعي جدا أن يصارح شاب فتاة بحبه وإعجابه أو أن يطلب يدها للزواج لكن أن تكون للفتاة المبادرة الأولى فهذا غريب وغير وارد وإلا كانت المرأة تقدمت للخطبة تماما كما يفعل الرجال

لذا ستنتظر صاحبة المبادرة عواقب أقلها الرفض المهذب الذي ستصاحبه نظرة مش ولا بد

الموضوع الأن مطروح للنقاش

أريد رأي الشباب والفتيات وكل واحد يضع نفسه في الموقف

لو فتاة تفكر ممكن تعمل ايه ولو شاب رد فعله هيكون ايه
وهل وجهة نظري صحيحة و لا أنا وصاحبة الرسالة اللي استايلنا بقى قديم والدنيا بقت عادي

بانتظاركم

هناك ٨ تعليقات:

  1. شوفى يا هبهوبه
    الرجل الشرقى بيحب النت الى بيتعب علشان يوصل لها
    ميحبش بطبعه الحاجه السهله
    والى تتفرض عليه
    وكمان يحب هو الى ياخد القرار الاول ف كل شىء
    ويحب البنت الى عندها حياء
    مش معنى كدا ان البنت معندهاش حق تحس او تحب او قلبها يتحرك
    مش المقصود بس المقصود ان البنت جديرة انها توصل مشاعرها للى قدامها ...ومنغير تجريح
    هى اكيد لو جواهل حاجه وفعلا ف مجال احتكاك بالشخص اكيد هيلاحظ انها جواها حاجه وووو
    والرجاله ناصحين ويعرفوها وهى طايرة
    والبنت انصح منهم ف انها منغير ما تهين نفسها ممكن توصل هى عايزة تقول ايه منغير ما تتكلم
    بس البنت الى بتتكلمى عنها انا معاها ف انها متتكلمش طبعا لانى مع عدم الكلام الصريح
    وكمان لانها مش فى اى حاجه تسمح لهم انهم يتكلموا اصلا
    وشكرا
    هبهههههوب
    http://hhaabbhhoobb.blogspot.com

    ردحذف
  2. والله ياهبه مش عارفة اقولك ايه
    بس انا مع التعليق اللى قبلى
    انها تحاول توصله مشاعرها بطريقة لا تجرح كرامتها

    وهو حاجة من اتنين :
    1- هيلاحظ ويطنش لانه مش جاهز او مش مستعد او محسش انه انجذب للفتاة دى .. او هيحس بيها ويصارحها ويقرب منها

    2- ممكن ميلاحظش او يلاحظ وميكونش عنده الجرأة بالمبادرة والتصريح ويفضل يتردد ويناقض نفسه .. وفى هذه الحالة المفروض البنت تنفض وتفكها منه لانه ليس اهل لتحمل مسؤولية اقامة الاسرة نفسيا وماديا


    وفى النهاية تحياتى لطرح هذه الفكرة الجريئة

    ردحذف
  3. بداية اشكر زياراتك المتكررة لبوابتي الصغيرة ضمير حي وارائك الهادفه والبناءة دائما -بالنسبة لي علي الاقل
    واعتذر لتأخري في زيارتك
    ولكن بجد مبسوطه ان او زيارة ليا تكون من خلال مشاركتي لكي فيما تطرحين
    موضوع شائك
    لكن بصراحه كدا
    لا يصح الا الصحيح ورسولنا الكريم علمنا ان نكون علي القدر الكافي من الحياءوالاولي بحيائنا هو الا نقترب لمثل هذا الباب وننتظر واكيد عندما يدقق علي بابانا ما نرضي دينه وخلقه كما قال رسولنا الكريم
    فلنتزوجه وعندئذ فمن حقنا ان نبوح له عما بداخلنا من مشاعر
    الان حلال وحلال بالثلث


    مش كدا ولا ايه يا قمر

    تحياتي

    ردحذف
  4. هو ليه بنتكسف اننا نقول اننا بنحب

    ومش بنتكسف نقول اننا بنكره

    على فكرة الجملة دي للولاد بس عشان مينفعشي ان البنت تنطق ... لأن المفروض هي اللي مطلوبة ومش ينفع ترخص نفسها عشان هيا غالية اوي
    وممكن ميكونشي بيحبها يبقي هيعمل حاجة من الاتنين لهحرجها ويكسر قلبها لهجاريها وهيتسلي بيها

    هي ممكن تلمح وده حقها بس مش تعرض نفسها طبعا
    ده رائي ومش عارف هتوافقيني فيه ولا لا

    ردحذف
  5. هبهوب

    نورتيني

    أنا معاكي في أنه لو مفيش مفر يبقى البنت تحاول تعمل ده بشكل غير مباشر وبدون ما تجرح كرامتها أو تقلل من نفسها

    ولو أنا نفسي زي ماقلت في البوست اتكسف جدا اعمل كده

    سعيدة جدا بمرورك على المدونة وياريت مش تحرمينا من الزيارة

    ردحذف
  6. عزيزتي حدوتة

    كلامك منطقي جداو لخص الموقف لإن غالبا النتيجة مش هتخرج عن حاجة من الحاجتين اللي انتي قولتيهم

    سعيدة بمرورك على المدونة لإن مدونتك من المدونات المتميزة اللي بحرص على متابعتها

    تحياتي ليكي

    ردحذف
  7. ملاكي الرقيق

    مرحبا بيك في الزيارة الأولي للمدونة ويارب متكونش أخر زيارة

    مدونتك جميلة وتوحي إنك صاحبة شخصية أجمل ويارب فعلا تكون أرائي تستحق نص كلامك وسعيدة أنها عجبتك

    أما عن الموضوع اللي بنتكلم فيه فأنتي رأيك من رأيي أنا وهبهوب وحدوتة

    وزي ما قلتي لا يصح إلا الصحيح

    تحياتي ليك يا قمر

    ردحذف
  8. عابد الرحمن

    الشاب الوحيد اللي شاركنا برأيه في الموضوع وعرض رأي الشباب في القضية

    أخي أنت رأيك موافق رأيي وسعيدة بصراحة لأنك قلت إن أحد الاحتمالات أنه هيجاريها ويكسر قلبها

    دي بصراحة مخطرتش في بالي ..أنا فكرت أنه ممكن يقبل أو يرفض ومجاش في بالي أنه هيجاريها والكلام ده بصراحة

    حاجة كمان

    الناس بطلت تقول إنها بتكره دلوقتي الناس بقت بتنافق

    شكرا بجد على مرورك

    ردحذف

اتكلم براحتك أنت في مدونة ديموقراطية جدا واخد لي بالك